Խոշոր ավտովթար․ մեքենան դուրս է եկել ճանապարհի երթևեկելի գոտուց և գլխիվայր հայտնվել ձորակում

Դեկտեմբերի 14-ին խոշոր ավտովթար է տեղի ունեցել Արագածոտնի մարզում։ Այդ մասին հայտնում է Shamshyan.com-ը։

Ժամը 21։10-ի սահմաններում Արագածոտնի մարզի բնակիչ՝ 30-ամյա Քնարիկ Զաքարյանը իր վարած BMW մակնիշի ավտոմեքենայով Աշտարակ-Թալին ավտոճանապարհի 4-րդ կմ հատվածում՝ «Արծվի թևեր»-ի հարևանությամբ, դեռևս անհայտ հանգամանքներում դուրս է եկել ճանապարհի երթևկեելի գոտուց, բախվել քարերին և մոտ 10 մետր գլորվելով՝ գլխիվայր հայտնվել ձորակում։

Վթարի հետևանքով վարորդ Ք. Զաքարյանը օպերատիվորեն ժամանած «Աշտարակ» բժշկական կենտրոնի բժիշկների կողմից նա տեղում առաջին բուժօգնությունն է ստացել, ապա տեղափոխվել «Աշտարակ» բժշկական կենտրոն։ Բժիշկները նրա առողջական վիճակը գնահատել են բավարար։