Ռուս խաղաղապահներն ապահովել են ուխտավորների անվտանգությունը
Ռուսական խաղաղապահ զորախմբի զինծառայողներն ապահովել են մոտ 150 ուխտավորի անվտանգությունը, երբ նրանք այցելել են Ամարասի վանական համալիր Լեռնային Ղարաբաղում սահմանազատման գծի մոտ։ Այդ մասին հայտնում է ՌԴ ՊՆ-ը։
«Մենք այցելում ենք տաճար երբեմն ընտանիքով, երբեմն միայնակ: Ուզում եմ ասել, որ մեր ուժը մեր հավատքի, մեր տաճարի մեջ է։ Ցավոք սրտի, մենք չենք կարող այդպես այցելել Շուշի կամ Ղազանչեցոց տաճար, բայց իմ ժողովրդի անունից ուզում եմ շնորհակալություն հայտնել ձեզ նման ապահովության համար, շատ լավ է, որ մենք կարող ենք ապահով այցելել մեր տաճարը և աղոթել մեր Աստծուն»,- ասաց վանքի ուխտավոր Մարիամ Մարգարյանը։
Ռազմական գործողությունների ավարտից և զինադադարի համաձայնագրի ստորագրումից հետո վաղ միջնադարյան Ամարասի վանքը հայտնվել է սահմանազատման գծի անմիջական հարևանությամբ։ Լեռնային Ղարաբաղում ռուսական խաղաղապահ զորախմբի զինծառայողները կանոնավոր կերպով ապահովում են այս սրբավայր այցելել ցանկացող ուխտավորների անվտանգությունը։
