Խոշոր ու ողբերգական ավտովթար․ ամուսինները մահացել են, երեխաներին ծանր վիճակում հիվանդանոց են տեղափոխել

Երեկ երեկոյան Երեւան–Աշտարակ ճանապարհին տեղի ունեցած ողբերգական վթարի հետեւանքով տուժած 7 և 10 տարեկան երեխաները գտնվում են վերակենդանացման բաժանմունքում, նրանց առողջական վիճակը գնահատվում է ծանր։

13-ամյա երեխան ձեռքերի և ոտքի կոտրվածքներ ունի։ Նա գտնվում է վնասվածքաբանական բաժանմունքում․ գիշերը վիրահատվել է, իսկ այսօր նախատեսվում է երկրորդ վիրահատությունը։

NEWS.am–ի տեղեկություններով՝ մյուս երկու վիրավորներից մեկը 11 ամսական երեխա է։

Հիշեցնենք, որ վթարի հետեւանքով կա 2 զոհ, 5 տուժած։ Մահացածները ամուսիններ են, տուժածներից երեքը նրանց երեխաներն են։

Հիշեցնենք՝ ավելի վաղ Shamshyan.com-ն էր հայտնել որ  խոշոր ու ողբերգական ավտովթար է տեղի ունեցել Արագածոտնի մարզում։ Երևան-Գյումրի ավտոճանապարհի 34-րդ կմ հատվածում բախվել են «Opel Zafira» մակնիշի ավտոմեքենան և «ՄԱԶ» մակնիշի բեռնատարը։