ՌԴ–ն վերադարձրել է Կուրսկի մարզում գերեվարված 115 զինծառայողի
- Lilit
- Aug 24, 2024
- 1 min read
Ռուսաստանն ուկրաինական գերությունից վերադարձրել է Կուրսկի մարզում գերեվարված 115 զինծառայողի: Տեղեկությունը հայտնում է ՌԻԱ Նովոստին` հղում անելով ՌԴ պաշտպանության նախարարությանը։
Փոխարենը Կիևի ռեժիմին է հանձնվել Ուկրաինայի զինված ուժերի 115 զինվորական։
Ազատ արձակվածները գտնվում են Բելառուսում, որտեղ նրանց հոգեբանական և բժշկական օգնություն է ցուցաբերվում, հարազատների հետ կապ հաստատելու հնարավորություն է ընձեռվել։
Ազատ արձակված բոլոր զինծառայողները կտեղափոխեն Ռուսաստան, որտեղ նրանք բուժման և վերականգնման փուլ կանցնեն պաշտպանության նախարարության բուժհաստատություններում։
ՌԴ զինվորականներին գերությունից վերադարձնելու գործում մարդասիրական բնույթի միջնորդական ջանքեր է գործադրել ԱՄԷ-ն։
