Նվաստացումը չպետք է վերագրել ԱԱԾ թուլակամությանը․ դա պետական քաղաքականության արդյունք է․ Հայտարարություն

ԱԱԾ վերջին հաղորդագրությունից դատելով՝  պետք է գոհունակություն հայտնել, որ իբր խախտում արած ՀՀ սահմանապահը չի հանձնվել  ադրբեջանական կողմին, նշված է ԱԱԾ պահեստազորի սպաների միության հայտարարության մեջ։

«Այնտեղ պատասխանատվության ենթարկվելու համար՝ չէ՞ որ այդպես էլ կարող է լինել։  Միայն սա արդեն իսկ մեծ նվաճում է մեր այս պարտվողական օրերում․․․

Ակամայից մտաբերում ես ՀՀ այն չորս դիրքապահներին, ովքեր մոտ մեկ ամիս առաջ ադրբեջանցիների կողմից առանց որևէ ափսոսանքի, զղջման գնդակահարվեցին մեր իսկ դիրքերում՝ խաղաղ ծառայություն իրականացնելիս։

Այս կարգի նվաստացումը չպետք է վերագրել ԱԱԾ թուլակամությանը, այն պարզապես վարվող պետական քաղաքականության արդյունք է, հետևանք, որին ԱԱԾ-ն միայնակ չի կարող դիմակայել․․․»,- ասված է հայտարարության մեջ։