Ասում էին՝ «տեսնենք պուլսը աշխատում ա՞, եթե աշխատում ա՝ պտի սպանենք, մորթենք». դատարանում ցուցմունք տվեց Արարատ Միրզոյանի անվտանգության աշխատողը
Մեկնարկել է ՀՀ ԱԺ նախկին նախագահ Արարատ Միրզոյանին ծեծի ենթարկելու գործով դատական նիստը։
Այսօր դատարանում ցուցմունք տվեց նրա անվտանգության աշխատողը։ Նա հայտարարեց, որ այդ օրն իրենց մոտ շատ սթրեսային վիճակ էր։
«Բոլորն ասում էին՝ ուզում ենք ստուգենք, տեսնենք իրա պուլսը աշխատում ա՞, եթե աշխատում ա՝ պտի սպանենք, մորթենք։ Մենք թույլ չէինք տալիս, մենք համոզված էինք, որ պարոն Միրզոյանը ողջ է։ Բաներ կար, որ մենք էինք ասում՝ ինքը ողջ չէ, թողեք ուղղակի տանենք հիվանդանոց, համոզում էինք, մեկը համոզվում էր, մեկը չէր համոզվում»,- պատմեց ՊՊԾ աշխատակիցը։
Նա ասաց, որ կոչերը սպանության վերաբերյալ էին։ ՊՊԾ աշխատողի խոսքով, ակցիայի մասնակիցներից ոչ ոք իր մոտ չի տպավորվել, քանի որ շատ մութ է եղել, բոլորը դիմակներով, «կապիշոններով» են եղել։
«Որ մեկին տեսնենք, կճանաչենք՝ ոչ»,- ասաց ԱԺ նախկին նախագահի անվտանգության աշխատողը։
