Դմիտրի Կուլեբան ազատվել է Ուկրաինայի ԱԳ նախարարի պաշտոնից

Ուկրաինայի Գերագույն Ռադան կողմ է քվեարկել Ուկրաինայի արտաքին գործերի նախարար Դմիտրի Կուլեբայի հրաժարականին։

Կուլեբան այս շաբաթվա սկզբին հրաժարականի դիմում է ներկայացրել Ուկրաինայի խորհրդարան, ինչպես և մի քանի այլ նախարարներ և փոխվարչապետներ: Չորեքշաբթի օրը Գերագույն ռադան չի հասցրել քվեարկել այս հարցի շուրջ եւ փակել է նիստերը։

RBC-Ukraine-ի փոխանցմամբ՝ Կուլեբան կարող է ուղարկվել Բրյուսել, որտեղ բացի ԵՄ-ում և ՆԱՏՕ-ում Ուկրաինայի ներկայացուցչություններից, կա նաև Ուկրաինայի դեսպանատուն։