ՖԻՖԱ-ն հաստատել է ԱԱ-2026-ի խաղերի ժամանակացույցը
- Lilit
- 9 hours ago
- 1 min read
ՖԻՖԱ-ն հրապարակել է աշխարհի 2026 թվականի առաջնության խաղերի ժամանակացույցը։ Մրցաշարը կանցկացվի ԱՄՆ-ում, Մեքսիկայում և Կանադայում՝ հունիսի 11-ից հուլիսի 19-ը։
Խմբային Փուլ
Աշխարհի առաջնության բացման խաղը Մեքսիկայի և Հարավային Աֆրիկայի (ՀԱՀ) միջև կկայանա հունիսի 11-ին՝ Երևանի ժամանակով (ԵԺ) 23:00-ին։ Հաջորդ խաղը՝ Հարավային Կորեայի և ՈՒԵՖԱ-ի փլեյ-օֆֆի հաղթողներից մեկի միջև, կսկսվի ԵԺ 08:00-ին։
Հունիսի 12-ին Կանադան կմեկնարկի ՈւԵՖԱ-ի փլեյ-օֆֆի հաղթողի դեմ՝ ԵԺ 23:00-ին, իսկ ԱՄՆ - Պարագվայ խաղը՝ ԵԺ 05:00-ին։Մինչև հունիսի 23-ը հաջորդ խաղային օրերին օրական կանցկացվի չորս հանդիպում։
Խաղերի մեկնարկի ժամանակը կտատանվի Երևանի ժամանակով 20:00-ից (ամենավաղը) մինչև 08:00 (ամենաուշը)։ Խմբային փուլի եզրափակիչ տուրում օրական կլինի վեց հանդիպում, որոնք կսկսվեն ԵԺ 23:00-00:00-ից մինչև 06:00-07:00։
Խմբային փուլի հանդիպումները տարբեր տուրերում կկայանան հետևյալ ժամերին (ԵԺ). ամենավաղ խաղերը կմեկնարկեն 20:00-ին, իսկ մյուս խաղերը կկայանան հաջորդաբար՝ 23:00-ին, 00:00-ին, 02:00-ին, 03:00-ին, 05:00-ին, 06:00-ին և 08:00-ին։
Փլեյ-օֆֆ
1/16 եզրափակիչի հանդիպումները կսկսվեն 20:00-ից մինչև 07:00-ն։
1/8 եզրափակիչի խաղերը՝ 20:00-ից մինչև 04:00-ն։
1/4 եզրափակիչները կմեկնարկեն տարբեր ժամերի. հուլիսի 9-ին՝ 00:00-ին, հուլիսի 10-ին՝ 23:00-ին, հուլիսի 12-ին՝ 01:00-ին և 05:00-ին։
Եզրափակիչ փուլ
Կիսաեզրափակիչները տեղի կունենան հուլիսի 14-ին և 15-ին՝ ժամը 23:00-ին։ 3-րդ տեղի համար հանդիպումը կկայանա հուլիսի 19-ին՝ 01:00-ին, իսկ եզրափակիչը՝ 23:00-ին։
