Մերցի կուսակցությունը կարող է չանցնել 5 տոկոսի շեմը․ Tagesspiegel
Գերմանիայի կանցլեր Ֆրիդրիխ Մերցի «Քրիստոնեա-դեմոկրատական միություն» (ՔԴՄ) կուսակցությունում մտավախություն ունեն, որ սեպտեմբերի 20-ին Մեկլենբուրգ-Արևմտյան Պոմերանիայում կայանալիք երկրամասային ընտրություններում կուսակցությունը կարող է չհաղթահարել 5 տոկոսի շեմը։
«Մտավախություն կա 5 տոկոսի շեմը չհաղթահարելու վերաբերյալ»,- Tagesspiegel-ին ասել է երկրամասային խորհրդարանում ՔԴՄ խմբակցության փոխնախագահ Մարկ Ռայնհարդտը։
Վերջին հարցումների համաձայն՝ ՔԴՄ-ի վարկանիշն ընդամենը 7% է։ Եթե այս ցուցանիշը հաստատվի նաև ընտրություններում, կուսակցությունը կգրանցի իր վատթարագույն արդյունքը Երկրորդ աշխարհամարտից ի վեր։
Մեկլենբուրգ-Արևմտյան Պոմերանիայում առաջատարն «Այլընտրանք Գերմանիայի համար» (ԱԳՀ) կուսակցությունն է՝ 35–37% աջակցությամբ։ Երկրորդ տեղում գործող վարչապետ Մանուելա Շվեզիգի Սոցիալ-դեմոկրատական կուսակցությունն է՝ շուրջ 34%-ով։
ՔԴՄ-ի՝ երկրամասի վարչապետի թեկնածու Դանիել Փեթերսը նախընտրական քարոզարշավում փորձում է հեռավորություն պահպանել Մերցից, որի վարկանիշը վերջին ամիսներին զգալիորեն նվազել է։
Մեկլենբուրգ-Արևմտյան Պոմերանիայի ընտրությունները կանցկացվեն Բեռլինի ընտրությունների հետ միաժամանակ, որտեղ ՔԴՄ-ին նույնպես լուրջ մրցակցություն է սպասվում։
