Երևանի փաստարկները, թե ռուսական կոնցեսիան խանգարում է Հայաստանին դառնալ լոգիստիկ նախաձեռնությունների մասնակից, բացարձակապես չեն համապատասխանում իրականությանը․ Գալուզին

Հենց ռուս երկաթուղային աշխատողների փորձն էր, որ օգնեց Հայաստանին պահպանել մրցակցային առավելությունները, հայտարարել է ՌԴ ԱԳ փոխնախարար Միխայիլ Գալուզինը։

ՌԴ փոխարտգործնախարարի խոսքով՝ դա է, որ այսօր թույլ է տալիս քննարկումներ ծավալել տարածաշրջանում հաղորդակցությունների ապաշրջափակման վերաբերյալ:

«Երևանի փաստարկներն այն մասին, թե ռուսական կոնցեսիան, իբր, խանգարում է Հայաստանին դառնալ լոգիստիկ նախաձեռնությունների մասնակից, բացարձակապես չեն համապատասխանում իրականությանը։ Այս առնչությամբ բոլոր պարզաբանումները տրվել են տարբեր մակարդակներով։ Ընդ որում, հակափաստարկներ բերելը հայկական կողմը դժվարանում է»,- ՌԻԱ Նովոստիի հետ զրույցում ասել է ռուս դիվանագետը։