Թուրքիայում Ուկրաինայի դեսպանը կանչվել է ԱԳՆ

2 hours ago
1 min read

Սև ծովում ուկրաինական զինուժի կողմից թուրքական զույգ նավերի թիրախավորման պատճառով Անկարայում Ուկրաինայի դեսպան Նարիման Ջելյալին կանչել են Թուրքիայի արտաքին քաղաքական գերատեսչություն, շաբաթ օրը…

«Անկարայում Ուկրաինայի դեսպանը կանչվել է Թուրքիայի ԱԳՆ օգոստոսի 26-ին Տուապսեի մոտ թուրքական սեփականատիրոջ Լիդեր Բորդո Մավի նավին հասցված հարվածներից և օգոստոսի 27-ին առաջինին օգնության շտապող Լիդեր Կոջաթեփե նավին հասցված հարվածից հետո։ Դեսպանին է փոխանցվել մեր երկրի արձագանքն այս հարձակումներին, նա զգուշացվել է Սև ծովում մարդկանց, գույքի, նավագնացության և շրջակա միջավայրի անվտանգության ապահովման անհրաժեշտության մասին», - աղբյուրի խոսքերն է մեջբերում ԻՀԱ գործակալությունը։

Թուրքիայի Տրապիզոն նահանգի Առևտրաարդյունաբերական պալատի ղեկավար Էրկուտ Չելեբին հինգշաբթի հայտարարել է, որ ուկրաինական անօդաչու թռչող սարքերը հարձակում են իրականացրել ռուսական Տուապսե նավահանգստում գտնվող թուրքական Լիդեր Բորդո Մավի բեռնատար լաստանավի վրա, ինչի հետևանքով վիրավորվել է անձնակազմի հինգ անդամ։