Նոր մանրամասներ. 18-ամյա Դավիթ Մինասյանի նկատմամբ կիրառվել է բացակայելու արգելք
- 4 hours ago
- 1 min read
Դատախազը վարույթն իրականացնող մարմնից՝ Քննչական կոմիտեից, ստացել է քրեական վարույթը՝ մեղադրական եզրակացությունը հաստատելու և դատարան հանձնելու նպատակով, գլխավոր դատախազությունից ասացին Aysor.am-ին, անդրադառնալով 18-ամյա Դավիթ Մինասյանի գործին։
«Հսկող դատախազի որոշմամբ դատարանի կողմից ընտրված կալանք խափանման միջոցն այսօր վերացվել է, կիրառվել է բացակայելու արգելք: Դատախազը քրեական վարույթի նյութերը՝ հաստատված մեղադրական եզրակացությամբ, այսօր հանձնել է իրավասու դատարան», - նշեցին դատախազությունից։
Նշենք, որ ավելի վաղ փաստաբան Լուսինե Մարտիրոսյանը տեղեկացրել էր, որ հսկող դատախազի որոշմամբ, վերացվել է Դավիթ Մինասյանի կալանքը և նա ազատ է արձակվել Արմավիր ՔԿՀ-ից։
