36 կգ ոսկու գործով կալանավորվել է Երևանի դատավորի սանիկը
- Lilit
- May 8, 2024
- 1 min read
Ապրիլի 13-ին ՀՀ ՆԳՆ ոստիկանության ծառայողները Երևան-Երասխ ավտոճանապարհի Արարատի վարչական տարածքում բռնել ու վնասազերծել էին 36 կգ ոսկյա ձուլակտորների և խոշոր չափի գումարն ավազակային հարձակմամբ հափշտակող կասկածյալներից մի քանիսին, այս մասին գրում է «ԱրմԼուր»-ը՝ հավելելով. «Մեզ հասած տեղեկությունների համաձայն, ճամպրուկով տղամարդը, որին իրավապահները Երևան-Երասխ ավտոճանապարհի Արարատի վարչական տարածքում երթուղայինից իջեցրել էին, Երևան քաղաքի դատարանի դատավոր Արշակ Պետրոսյանի սանիկն է:
Ավելի վաղ հայտնել էինք, որ դատավոր Արշակ Պետրոսյանի սանիկ Արան նրան գեղեցիկ փաթեթավորված տոպրակ էր տվել՝ նշելով, որ իր կինը կգա, կվերցնի: Արդյունքում, իրավապահները օպերատիվ տվյալներ են ունեցել, որ դատավորի մեքենայում հափշտակված իրերից որոշակի մաս է հայտնաբերվել: Ստացվում է, որ սանիկը հափշտակված իրերի մի մասը տվել էր դատավորին, իսկ ահա մի մասն էլ ճամպրուկով տեղափոխում էր այլ վայր, որին ճանապարհին բռնեցին»:
