Ճապոնիան հայտարարել է, որ չի ճանաչում Կուրիլյան կղզիների հարավային հատվածում անցկացված ընտրությունները

Ճապոնիայի կառավարությունը չի ճանաչում «հյուսիսային տարածքներում» (ինչպես Ճապոնիայում անվանում են Կուրիլյան կղզիների հարավային հատվածը) անցկացված ընտրությունները՝ դրանք համարելով որպես բնիկ ճապոնական տարածքներ։ Այս մասին հերթական մամուլի ասուլիսի ժամանակ հայտարարել է Ճապոնիայի արտգործնախարար Յոկո Կամիկավան։

«Հյուսիսային տարածքները, որոնք պատված են մեր երկրի ինքնիշխանությամբ, մեր երկրի պապենական տարածքներն են, և Ռուսաստանը շարունակում է այնտեղ անօրինական ընտրություններ անցկացնել։ Դա վերաբերում է նաև ձեր նշած նախագահական ընտրություններին»,- նշեց նա՝ պատասխանելով լրագրողների համապատասխան հարցին։ Կամիկավան կրկնել է նաև այն թեզը, որ ներկայումս Ուկրաինայում ստեղծված իրավիճակի պատճառով հնարավոր չէ Ռուսաստանի հետ երկխոսության վերսկսումը խաղաղության պայմանագրի կնքման և տարածքային խնդրի լուծման շուրջ։

Նախկինում ճապոնացի պաշտոնյաները նույնպես հայտարարել էին, որ Ճապոնիան չի ճանաչում ընտրությունների արդյունքներն այն շրջաններում, որոնք Տոկիոն ուկրաինական է համարում։