ՆԱՏՕ-ն աշխատում է ԱՄՆ-ի հետ՝ Գերմանիայում ռազմական ներկայության վերաբերյալ որոշման մանրամասները հասկանալու համար

ՆԱՏՕ-ն կապի մեջ է Ամերիկայի Միացյալ Նահանգների հետ՝ Գերմանիայից ամերիկացի 5,000 զինվորականի դուրսբերման հետ կապված իրավիճակը պարզաբանելու համար։ Այս մասին X-ում գրել է  դաշինքի խոսնակ Ալիսոն Հարթը։

«Մենք աշխատում ենք ԱՄՆ-ի հետ՝ Գերմանիայում նրանց ռազմական ներկայության վերաբերյալ որոշման մանրամասները հասկանալու համար։»,- նշվում է հայտարարության մեջ։

Հարթը շեշտել է, որ շարունակում են վստահ լինել զսպման և պաշտպանության ապահովման իրենց կարողության վրա։

ԱՄՆ պաշտպանության նախարարի հասարակայնության հետ կապերի գծով օգնական Շոն Փարնելը հայտարարել էր, որ Պենտագոնի ղեկավար Փիթ Հեգսեթը հրամայել է Գերմանիայից դուրս բերել 5,000 ամերիկացի զինծառայողի։ Զորքերի դուրսբերումը, ենթադրաբար, կավարտվի 6-12 ամսվա ընթացքում: