Բրիթնի Սփիրսի նախկին ամուսինը՝ Սեմ Ասղարին, արձագանքել է նրա ձերբակալությանը՝ ալկոհոլի ազդեցության տակ մեքենա վարելու պատճառով

Սեմ Ասղարին կիսվել  է Բրիթնի Սփիրսի ձերբակալության վերաբերյալ իր կարծիքով, գրում է People-ը։ 

32-ամյա մոդելին և ֆիթնես մարզչին, ուրբաթ, մարտի 6-ին, Fox News-ին տված հարցազրույցի ժամանակ, հարցրել են նախկին կնոջ ձերբակալության մասին և ասել, որ մարդիկ սխալներ են թույլ տալիս։

«Երբ խոսքը վերաբերում է մարդկանց սխալներին, ես դա հասկանում եմ», - ասել է Թեհրանում ծնված Ասղարին՝ հավելելով, որ իր ուշադրությունը հիմնականում կենտրոնացած է եղել Իրանի շուրջ ընթացող պատերազմի վրա։

Նա հավելել է. «Կարծում եմ, որ բոլորն արժանի են գաղտնիության։ Եվ հուսով եմ, որ մամուլը դասեր է քաղել անցյալից, որ նրանք պետք է նրան տան այն գաղտնիությունը, որը նրան անհրաժեշտ է»։

«Toxic»-ի 44-ամյա երգչուհին մարտի 4-ի երեկոյան ձերբակալվել է թմրանյութերի և ալկոհոլի ազդեցության տակ մեքենա վարելու կասկածանքով։ Հաջորդ օրը վաղ առավոտյան նրան ազատ են արձակել։

CHP-ն հայտարարել է, որ միջադեպը դեռևս քննվում է, և քիմիական թեստերի արդյունքները ստուգվում են։

Սփիրսն ու Ասգարին սկսել են հանդիպել 2016 թվականին և ամուսնացել են 2022 թվականի հունիսին, սակայն 2023 թվականի հուլիսին բաժանվել են։ Լոս Անջելեսի շրջանի Կալիֆոռնիայի Գերագույն դատարանի դատավորը նրանց ամուսնալուծության մասին արձանագրությունը հաստատել է 2024 թվականի մայիսին։