Այսօր խոսքի ազատությունը դարձել է լկտիություն. այն ժամանակ ծեծnւմ էին լրագրողներին, հիմա լրատվական դաշտի 90%-ն ընդդիմադիր է. Ալեն Սիմոնյան
- Lilit
- 3 days ago
- 1 min read
Իրենց զգուշացվել է, որ դուրս գան Ազգային ժողովից, որևէ դեպք չի լինում, երբ առանց նախազգուշացնելու մարդուն դուրս են հանում: Սա ռեժիմային շենք է, գնացեք Եվրոպառլամենտ, փորձեք ներխուժել որևէ կարգից դուրս, տեսեք՝ ինչ տեղի կունենա: Այս մասին Ազգային ժողովում, լրագրողների հետ ճեպազրույցում ասել է ԱԺ նախագահ Ալեն Սիմոնյանը, անդրադառնալով «Ժողովուրդ» օրաթերթի լրագրողներին՝ ԱԺ շենքից ՊՊԾ աշխատակիցների կողմից հեռացմանը:
«Այսօր խոսքի ազատությունը դարձել է լկտիություն, ով համացանց մուտք ունի՝ ազատ խոսքի հնարավորություն ունի: Այսինքն՝ համեմատու՞մ եք այն ժամանակներն այսօրվա հետ, երբ կային կառավարվող, լրագրողներին ծեծող, խոսքի ազատությունը սահմանափակող իշխանություն: Հիմա լրատվական դաշտի 90%-ն ընդդիմադիր է»,-նշել է նա:
Հիշեցենք, որ ավելի վաղ հայտնել էինք՝ լարված իրավիճակ է ստեղծվել ԱԺ պաշտպանության և անվտանգության հարցերի մշտական հանձնաժողովի նիստում։ «Հայաստան» խմբակցության պատգամավոր Գեղամ Մանուկյանը նիստին մասնակցելու համար անցագրեր էր տրամադրել «Ժողովուրդ»-ի լրագրողներին։ Անդրանիկ Քոչարյանը նրանց խնդրել է դուրս գալ դահլիճից։ ՊՊԾ աշխատակիցները լրագրողներին դուրս են հանել ԱԺ-ից:
