«Nan» կաթնախառնուդը կհավաքվի դեղատներից, թե՞ ոչ․ ինչ են հայտնում ՍԱՏՄ-ից
- Lilit
- 3 hours ago
- 1 min read
Nestle ֆիրմայի Nan կաթնախառնուդի որոշ խմբաքանակներ Եվրոպական երկրների վաճառքի կետերից հետ են կանչվել։ Այս մասին Armlur.am-ը տեղեկանում է համացնցում իրականացված մի շարք հրապարակումներից։ Նշվում է, որ պատճառը Cronobacter spp. բակտերիաներով հնարավոր վարակված լինելու կասկածն է:
Հրապարակումներում մասնավորապես նշվում է, որ Կոնտամինացված արտադրանքի օգտագործման ժամկետը մինչև 2027 թվականի հունիսն է: Խոսքը վերաբերում է “NAN EXPERT PRO sans lactose” կաթնախառնուրդին:
Տուփի ներքևի մասում գտնվող խմբաքանակի համարն է L-51520346AC:
Նշվում է, որ այս արտադրանքը վաճառվել է 400 գրամանոց տուփերով 2025 թվականի հունիսի 13-ից մինչև նոյեմբերի 13-ը:
«Ծնողներին խորհուրդ է տրվում դադարեցնել այս տուփերի օգտագործումը և անմիջապես դեն նետել դրանք:
Սիրելի ծնողներ, եթե Դուք նույնպես ձեր բալիկների համար ձեռք եք բերել այդ խմբաքանակի տուփերից, դեն նետեք դրանք:
Տեղեկացնեմ, որ Cronobacter spp. ( entérobactéries sakazaki) հազվադեպ , սակայն ծայրահեղ վտանգավոր բացիլ է, ինչը նորածինների մոտ կարող է հանգեցնել սեպսիսի, մենինգիտի (որը կարող է մահացու լինել) և նեկրոտիզացնող էնտերոկոլիտի:
Սիրելի ծնողներ Ձեր նորածինների ամենաապահով սնունդը մայրական կաթն է, պայքարեք դրա համար»,- գրել է ֆեյսբուքյան օգտատեր, բժիշկ Հասմիկ լալայանը։
ArmLur.am-ին ՀՀ սննդամթերքի անվտանգության տեսչական մարմնից հայտնեցին, որ խնդրի մասին դեռ անցած շաբաթվանից տեղյակ են, վերահսկողական միջոցառումներ իրականացվում են, արդյունքերը կհրապարակեն:
«Այս պահին ստուգվում է՝ արդյոք այդ խմբաքանակները մեր երկիր մտել են, եթե՝ այո, տնտեսավաորղին հավաքելու հանձնարարական կտրվի»,- նշեց ՍԱՏՄ մամուլի քարտուղար Անուշ Հարությունյանը։
