Նուբարաշենի աղբավայրում հրդեհաշիջման աշխատանքները շարունակվում են. կան հրդեհի ծխացող օջախներ
- Lilit
- Oct 12
- 1 min read
Հոկտեմբերի 12-ի՝ ժամը 10։00-ի դրությամբ, փրկարար ծառայությունը շարունակում է Նուբարաշենի աղբավայրում հրդեհաշիջման աշխատանքները․ օգտագործվել է շուրջ 1100 տոննա ջուր և իրականացվել շուրջ 500 երթ հողալցում՝ կրակի տարածումը կանխելու համար։
Հրդեհաշիջման աշխատանքներին ներգրավվել են 9 մարտական հաշվարկ և 2 օպերատիվ խումբ․ ընդհանուր 43 փրկարարական ծառայող, Երևանի քաղաքապետարանի ուժերը՝ ջրատարներով և ինժեներական տեխնիկայով։
Կան հրդեհի ծխացող օջախներ։ Հրդեհաշիջման աշխատանքներն ինտենսիվորեն շարունակվում են։
Հիշեցնենք՝ հոկտեմբերի 9-ին՝ ժամը 23։53-ին, Ճգնաժամային կառավարման ազգային կենտրոն ահազանգ էր ստացվել, որ Երևան քաղաքի Նուբարաշենի կենցաղային աղբավայրում հրդեհ է բռնկվել:
Երևանի քաղաքապետ Տիգրան Ավինյանը հայտարարել էր, թե այս դեպքը պատահական չէ, այլ՝ դիտավորություն է:
