Շախմատային օլիմպիադա․ Հայաստանի կանանց հավաքականը հաղթել է Պերուին

Ուզբեկստանի Սամարղանդ քաղաքում անցկացվող շախմատի 46-րդ համաշխարհային օլիմպիադայում Հայաստանի կանանց հավաքականը տարել է չորրորդ հաղթանակը։

5-րդ խաղափուլում Հայաստանի կանանց հավաքականը 3։1 հաշվով հաղթել է Պերուի ընտրանուն։

Հայաստանի կազմում հաղթանակներ են տարել Մարիամ Մկրտչյանը և Անահիտ Մկրտչյանը։ Լիլիթ Մկրտչյանի և Էլինա Դանիելյանի պարտիաներն ավարտվել են ոչ-ոքի։

Հայաստանի տղամարդկանց հավաքականն իր հերթին 2։2 հաշվով է ավարտել հանդիպումը մրցաշարում չորրորդ վարկանիշն ունեցող Չինաստանի հավաքականի հետ։

Հայկ Մարտիրոսյանը ոչ-ոքի է խաղացել աշխարհի 17-րդ չեմպիոն Դին Լիրենի հետ։ Ռոբերտ Հովհաննիսյանը միավորը կիսել է Վեյ Իի, Շանթ Սարգսյանը՝ Յույ Յանյիի, իսկ Մանուել Պետրոսյանը՝ Կոնգ Սյանժուեյի հետ։

Հինգ խաղափուլից հետո Հայաստանի տղամարդկանց հավաքականը վաստակել է 4,5 թիմային միավոր, իսկ կանանց հավաքականը՝ 4 թիմային միավոր։

Շախմատային օլիմպիադան անցկացվում է 11 խաղափուլով։