Թեհրանը պահանջում է ՄԱԿ-ի Անվտանգության խորհրդի արտակարգ նիստ անցկացնել
- Lilit
- Oct 27, 2024
- 1 min read
Թեհրանը խնդրում է ՄԱԿ-ի Անվտանգության խորհրդի արտակարգ նիստ անցկացնել՝ կապված Իրանի վրա Իսրայելի հարձակման հետ, հաղորդում է ՄԱԿ-ում երկրի առաքելությունը։
«Իրանի Իսլամական Հանրապետությունը խնդրում է Անվտանգության խորհրդի նախագահին շտապ նիստ գումարել՝ քննարկելու այս լուրջ խախտումը և անօրինական գործողությունները և պատասխանատվության ենթարկելու այս հանցավոր ռեժիմը»,- մեջբերում է ՌԻԱ «Նովոստի»-ն Իրանի մշտական ներկայացուցիչ Ամիր Սաիդ Իրավանիի նամակը՝ ուղղված ՄԱԿ-ի Անվտանգության խորհրդի նախագահին և ՄԱԿ-ի գլխավոր քարտուղար Անտոնիո Գուտերեշին։
Իսրայելի բանակը հայտարարել էր, որ հոկտեմբերի 26-ի գիշերը «նպատակային և ճշգրիտ» հարվածներ է հասցրել Իրանին, ինչն արվել է ի պատասխան հոկտեմբերի 1-ին Իսրայելի վրա Իրանի զանգվածային հրթիռային հարձակմանը:
