Միքայել Սրբազանը հետվիրահատական փուլում է, հնարավոր է վիրահատական նոր միջամտություն. Պաշտպան

Շիրակի թեմի առաջնորդ Միքայել Սրբազանի պաշտպանական խումբն այսօր հաղորդագրություն էր տարածել, որտեղ նշված էր, որ Միքայել արքեպիսկոպոս Աջապահյանը ներկայումս գտնվում է հետվիրահատական բուժման ընթացքի մեջ և առողջական վիճակից ելնելով ներկա պահին չի կարող մասնակցել 13.01.2026թ․ դատական նիստին:

Զրույցում պաշտպան Մարինե Ֆարմանյանն ասաց, որ այս պահին Սրբազանը գտնվում է հետվիրահատական փուլում, պետք է ենթարկվի լրացուցիչ հետազոտությունների՝ առողջական մյուս խնդրի հետ կապված։

«Նոր վիրահատությո՞ւն կլինի, թե՞ այն կհետաձգվի ու բուժումներ կնշանակեն՝ այդ հարցին բժիշկները պետք է պատասխանեն»,-ասաց Մարինե Ֆարմանյանը։

Ինչ վերաբերում է դատական հաջորդ նիստին, փաստաբանն ասաց, որ նոր օրվա մասին ծանուցում դեռ չունեն։

Հիշեցնենք՝ Միքայել Սրբազանի առողջական վիճակը կալանավայրում վատթարացել էր։ Մի շարք հետազոտություններից հետո «Իզմիրլյան» բժշկական կենտրոնում Սրբազանը ենթարկվել էր վիրահատության։