Հաջիևը Ստեփանակերտում շարունակում է հայկական եկեղեցիների «աղվանացումը»․ Խաչատրյան
Ադրբեջանի նախագահի օգնական Հիքմեթ Հաջիևը Ստեփանակերտում շարունակում է Արցախի հայկական եկեղեցիների «աղվանացման» քաղաքականությունը։ Այս մասին ֆեյսբուքյան իր էջում գրել է Արթուր Խաչատրյանը։
«Աղվանացում» ասելով՝ Խաչատրյանը նկատի ունի Ադրբեջանի կողմից հայկական եկեղեցիներն ու վանքերը որպես աղվանական ժառանգություն ներկայացնելու քաղաքականությունը։ Ըստ հայկական կողմի քննադատների՝ այս կերպ փորձ է արվում ջնջել այդ հուշարձանների հայկական ծագման և պատմական ներկայության հետքերը։
Նրա պնդմամբ՝ Ադրբեջանը հետագայում նույն քաղաքականությունը փորձելու է տարածել նաև Հայաստանի տարածքում գտնվող հայկական վանքերի և եկեղեցիների նկատմամբ։
«Նույն քաղաքականությունը դրանք շուտով ավելի ագրեսիվ կերպով տարածելու են Հայաստանի Հանրապետության տարածքում գտնվող վանքերի ու եկեղեցիների վրա։
Այս պայմաններում Փաշինյանն ուժգնացնում է հարձակումներն Հայաստանյայց Առաքելական Սուրբ Եկեղեցու և Վեհափառի դեմ․․․ ու գնում է Սևանում լողանալու․․․․»,- գրել է Խաչատրյանը։
