Զելենսկին կհանդիպի Մակրոնի և Բայդենի հետ
Jun 5, 2024
1 min read
Ուկրաինայի նախագահ Վլադիմիր Զելենսկին կհանդիպի ԱՄՆ նախագահ Ջո Բայդենի և Ֆրանսիայի նախագահ Էմանուել Մակրոնի հետ, հայտնում է The Guardian-ը:
Հայտնի է, որ Զելենսկին Ֆրանսիա է հրավիրվել Նորմանդական դեսանտային օպերացիայի տարեդարձի կապակցությամբ:
Բայդենի հետ հանդիպումը հաստատել է Սպիտակ տունը:
Նշվում է, որ Մակրոնն ուրբաթ Փարիզում կհյուրընկալի Զելենսկիին։
«Քանի որ առաջնագծում և էներգետիկ ենթակառուցվածքների դեմ ռուսական հարվածներն ուժգնանում են, երկու նախագահները կքննարկեն իրավիճակը», - ասվում է Ելիսեյան պալատի հաղորդագրությունում:
Հանդիպումը նախատեսվում է անցկացնել Նորմանդական դեսանտային օպերացիայի տարեդարձի միջոցառումներից հետո: Զելենսկին ելույթ կունենա նաև Ֆրանսիայի Ազգային ժողովում։
