House of Gucci ֆիլմը զայրացրել է Գուչչի ընտանիքին

Ռիդլի Սքոթի «House of Gucci» դրաման, որը պատմում է սեփական կնոջ պատվերով նորաձևության տան ղեկավարի սպանության մասին, լրջորեն վշտացրել է լեգենդար կլանի ներկայացուցիչներին։ Ընտանիքի հայտարարությունը հրապարակել է Ansa-ն։

Ըստ փաստաթղթի՝ ընտանիքի ներկայացուցիչները կարծում են, որ ֆիլմում նկարագրված իրադարձությունները չեն համապատասխանում իրականությանը։

Նորաձևության տան ներկայացուցիչները քննադատել են փաստը, որ Մաուրիցիո Գուչիի սպանության համար դատապարտված Պատրիցիա Ռեջանին ոչ միայն ֆիլմում, այլև դերասանների հայտարարություններում ներկայացվում է որպես զոհ։