Իրանական ավիաընկերությունների չվերթները դեպի Ադրբեջան դադարեցվում են

Իրանական ավիաընկերությունների չվերթները դեպի Ադրբեջան դադարեցվում են։ Այս մասին հայտնել են Հեյդար Ալիևի միջազգային օդանավակայանի մամուլի ծառայությունից, փոխանցում են տեղի լրատվամիջոցները։

«Իրանի Իսլամական Հանրապետության դեմ ԱՄՆ-ի կողմից սահմանված պատժամիջոցների նոր փաթեթը, հատկապես ավիացիոն ոլորտի դեմ պատժամիջոցների հետ կապված, հանգեցրել է 2026 թվականի սեպտեմբերի 22-ից իրանական ավիաընկերությունների թռիչքները դեպի Ադրբեջան դադարեցնելու որոշմանը»,- ասվում է հրապարակված հայտարարությունում։

Հիշեցման կարգով նշենք, որ իրանական Iran Air ավիաընկերությունը ավելի վաղ հայտարարել էր՝ շարունակում է Ստամբուլ, Բաքու և Նաջաֆ չվերթներն իրականացնել ըստ սահմանված չվացուցակի։ Ընկերության փոխանցմամբ՝ Թուրքիայի, Ադրբեջանի կամ Իրաքի ավիացիոն իշխանություններից թռիչքների դադարեցման վերաբերյալ որևէ պաշտոնական ծանուցում չի ստացվել։