«Փախստականների համաշխարհային օրը՝ ՀՀ իշխանությունների լռության ներքո». Էդմոն Մարուքյան
- Jun 21
- 1 min read
ԼՀԿ ղեկավար Էդմոն Մարուքյանի թելեգրամյան գրառումը. «Փախստականների համաշխարհային օրը՝ ՀՀ իշխանությունների լռության ներքո
Օրն անցավ, բայց այդպես էլ ոչ ՀՀ կառավարությունից, ոչ երկրի նախագահից, ոչ էլ ԱԳՆ-ից որևէ հայտարարություն չտեսանք Փախստականների համաշխարհային օրվա առիթով։
2020 թվականի պատերազմից սկսած և մինչև 2023 թվականին տեղի ունեցած Արցախի էթնիկ զտումն ու վերջնական հայաթափումը, Հայաստանը ընդունել է շուրջ 150 հազար փախստական Արցախից։
Բայց այսօր մեր իշխանությունները որևէ հայտարարություն չարեցին, սոլիդարության խոսքեր չասացին, միջազգային հանրության ուշադրությունը չհրավիրեցին այդ խնդրի վրա և միջազգային աջակցություն չխնդրեցին։ Ոչ մի ծպտուն։ Կարծես թե ոչինչ էլ չի եղել…
Արդեն ընտրվել եք, հիմա ինչի՞ց եք վախենում։ Ինչո՞ւ եք ջայլամի նման գլուխներդ հողի մեջ թաղել»:
