Հայաստանի ճակատագիրը ՀԱՊԿ-ում. երբ վերջնականապես կորոշվի անդամակցության հարցը
21 hours ago
1 min read
ՀԱՊԿ-ին Հայաստանի հետագա մասնակցության հարցը կարող է պաշտոնապես լուծվել նոյեմբերի 11-ին պետությունների ղեկավարների կողմից՝ Հավաքական անվտանգության խորհրդի նստաշրջանում: Այս մասին հայտարարել է դաշինքի գլխավոր քարտուղար Թաալատբեկ Մասադիկովը:
«Եթե այդ հարցը մտցվի Հավաքական անվտանգության խորհրդի նիստի օրակարգ, դա կարող է տեղի ունենալ», - ասել է նա «ՏԱՍՍ»-ին տված հարցազրույցում:
Մասադիկովը պարզաբանել է, որ նման նախաձեռնությամբ սովորաբար հանդես է գալիս կամ ՀԱՊԿ-ում նախագահող երկիրը, կամ դաշինքի ցանկացած այլ անդամ պետություն՝ ի դեմս իր քաղաքական առաջնորդի:
