Հոսանքազրկումները պետք չէ սենսացիա սարքել. Ռոմանոս Պետրոսյան

Հոսանքազրկումները պետք չէ սենսացիա սարքել, բոլոր ժամանակներում էլ եղել են: Այս մասին լրագրողների հետ զրույցում ասել է ՀԷՑ ժամանակավոր կառավարիչ Ռոմանոս Պետրոսյանը։

Նրա խոսքով՝ էլեկտրաէներգիայի բաշխման գործընթացը օրգանիկ պրոցես է՝ ժամյա ռեժիմով:

«Տեխնիկական իմաստով որևէ սենսացիա չկա։ Կարևորը մենք երաշխավորում ենք և դուք վստահ եղեք, որ որևէ տեղ հոսանքազրկում է տեղի ունենում, ապա րոպեների ընթացքում կարգավարական ծառայությունը տեղյակ է լինում, տեղեկացնում է տեխնիկական բոլոր ստորաբաժանումներին, ինձ, որից հետո անմիջապես գործի են անցնում»,- ասել է ՀԷՑ ժամանակավոր կառավարիչ Ռոմանոս Պետրոսյանը։