Ադրբեջանի ՀՕՊ ուժերը զորավարժություններ են անցկացրել

Ադրբեջանի զինված ուժերի հակաօդային պաշտպանության (ՀՕՊ) ստորաբաժանումները «հատուկ տակտիկական վարժանքներ» են անցկացրել. այս մասին հայտնում է Ադրբեջանի Պաշտպանության նախարարության մամլո ծառայությունը։

«S-300 Favorit զենիթահրթիռային համակարգերի դիվիզիոնների մարտական անձնակազմերը մարտական պատրաստության բերելով տեխնիկան, շարժվել են դեպի դիրքային տարածքներ և մեկնարկային դիրքերում վերաբաշխման առաջադրանքներ կատարել», - նշված է Ադրբեջանի ՊՆ հաղորդագրության մեջ։