Հաքերը կոտրել է չինական սուպերհամակարգիչ ու գողացել ավելի քան 10 պետաբայթ գաղտնի տվյալներ․ CNN
- 2 hours ago
- 1 min read
Հաքերը կոտրել է Չինաստանի պետական սուպերհամակարգիչներից մեկը և գողացել ավելի քան 10 պետաբայթ (քվադրիլիոն բայթ) գաղտնի տվյալներ, հայտնել է CNN-ը՝ փորձագետների հղում անելով։
Ըստ հեռուստաալիքի՝ ծրագրավորողը փորձում է առցանց վաճառել գողացված տեղեկությունը, այդ թվում՝ ռազմական փաստաթղթերը: Լրագրողները պարզաբանել են, որ չեն կարող հաստատել տվյալների արտահոսքը, սակայն փորձագետները կարծում են, որ դա տեղի է ունեցել։
Մասնագետների խոսքով՝ տվյալների հավաքածուն, որը ենթադրաբար պարունակում է ավելի քան 10 պետաբայթ զգայուն տեղեկատվություն, ստացվել է Տյանցզինի Ազգային սուպերհամակարգչային կենտրոնից։ Կառույցը կենտրոնացված հանգույց է, որը ենթակառուցվածքային ծառայություններ է մատուցում Չինաստանի ավելի քան 6000 հաճախորդների, այդ թվում՝ առաջատար գիտական և պաշտպանական գործակալությունների։
