Գորիսը տարածաշրջանում խաղաղություն կառուցող քաղաք է, և մեր ներկայությունն այստեղ նշանակալի է. Ֆրանսիայի դեսպան
- 2 days ago
- 1 min read
Գորիսը քաղաք է, որը կառուցում է խաղաղություն տարածաշրջանում. Գորիս քաղաքում անցկացվող Հայաստան-Ֆրանսիա ապակենտրոնացված համագործակցության 5-րդ համաժողովին հայտարարեց Հայաստանում Ֆրանսիայի դեսպան Օլիվիե Դըկոտինյին։
«Գորիսը մի քաղաք է, որը եղել է խաչմերուկում, և խաղաղության կառուցմանն է միտված եղել նրա աշխատանքը։ Գորիսը նորից կդառնա խաչմերուկ, և մեր ներկայությունն այստեղ շատ նշանակալի է»,-ասաց դեսպանը։
Նա նաև ավելացրեց․
«Հայաստանի և Ֆրանսիայի միջև կապը բազմաշերտ է՝ սփյուռքը, ասոցիացիաները, ձեռնարկությունները, բայց նաև ցանկություն կա այս բոլոր դերակատարների միջև պետության հետ կապի միջոցով երկխոսություն ունենալ ռազմավարական առաջնահերթությունների վերաբերյալ, այսինքն՝ ամեն մեկս ինչպես կարող է, մեր առաջնահերթությունը հաշվի առնելով, աշխարհաքաղաքական իրավիճակի վրա ազդեցություն ունենալ:
Այն, ինչ կառուցում ենք միասին, պարզապես տեխնիկական համագործակցություն չէ, պարզապես բարեկամություն չէ, այլ նաև իսկական լծակներ են՝ իրավիճակի վրա ազդելու, աջակցելու Հայաստանին և գործելու հանուն խաղաղության»։
