Պապիկյանը վաղ առավոտյան չհայտարարված այց է կատարել զորամաս

Պաշտպանության նախարար Սուրեն Պապիկյանը վաղ առավոտյան չհայտարարված այց է կատարել ՊՆ զորամասերից մեկը, որտեղ, նրա խոսքով, ընդամենը մի քանի օր առաջ  կրկին  այց էր իրականացրել։

Պապիկյանը հետևել է զինծառայողների վերկացին և առավոտյան մարմնամարզությանը։

Նախարարն այցի մասին հայտնել է սոցիալական ցանցերում հրապարակված տեսանյութով։ Կադրերում երևում է, որ  նախարարին դիմավորել են սպորտային համազգեստով, ապա մասնակցել  ֆիզիկական պատրաստությանը։

Պապիկյանը վերջին շրջանում պարբերաբար այցելում է ՊՆ զորամասեր՝ տեղում հետևելով զինծառայողների առօրյային, պատրաստության ընթացքին և ծառայության պայմաններին։