Ոստիկանությունը «ձերբակալել» է ռոբոտին, որը փողոցում վախեցրել է մի թոշակառուի

Մի տեսարան, որը ուղիղ գիտաֆանտաստիկ պատմություն է. մարդանման ռոբոտը ձերբակալվել է ոստիկանության կողմից՝ Չինաստանի Մակաո քաղաքի փողոցում, 70-ամյա կնոջը վախեցնելուց հետո։

Դեպքը տեղի է ունեցել անցյալ շաբաթ. տարեց կինը քայլում էր՝ նայելով իր հեռախոսին, երբ հանկարծ նկատել է, որ ինչ-որ մեկը հետևում է իրեն։ Շրջվելով՝ նա հայտնաբերել է մի ռոբոտ՝ Unitree G1 մոդելը, որի արժեքը մոտավորապես 13,500 դոլար էր։

«Դու ստիպում ես սիրտս արագ բաբախել»,-կանտոներեն գոռացել է թոշակառուն, ըստ Macau Post-ի։ «Դու շատ անելիքներ ունես, ուրեմն ինչո՞ւ ես խաղում ինձ հետ։ Խելագարվե՞լ ես»։

Տեսանյութում երևում է, թե ինչպես է ռոբոտը բարձրացնում ձեռքերը, կարծես հանձնվելով, մինչ կինը նրան նախատում է։ Երկու ոստիկան ավելի ուշ անդրոիդին դուրս է բերում մարդաշատ փողոցից։ Չնայած կնոջ և ռոբոտի միջև ֆիզիկական շփում չի եղել, այնուամենայնիվ, նրան տեղափոխել են հիվանդանոց՝ զննման։

Ռոբոտը պատկանում է Մակաոյի կրթական կենտրոնին և կատարում էր «գովազդային» գործունեություն։ Այն հեռակառավարվում էր 50-ամյա մի տղամարդու կողմից, ով ոստիկանությանը հայտնել էր, որ փորձարկում է ռոբոտը՝ դրա աշխատանքը բարելավելու համար: Նրան զգուշացրել էին զգույշ լինել և չվախեցնել անցորդներին։

Տեսանյութը արագ տարածվեց վիրուսային ալիքներում: Սոցիալական ցանցերի օգտատերերը չեն կարողացել դիմադրել կատակներին. «Կարծես թե ռոբոտին փաստաբան է պետք կամ գոնե տարրական իրավունքներ»,-գրել է մեկը: «Դու բանտ ես գնալու, ընկեր»,-կատակել է մեկ ուրիշը: