Թուրքիայում 79 մարդու կյանք խլած հրդեհից հետո Անթալիայում կապարակնքվել է 50 հյուրանոց
- Lilit
- Jan 31
- 1 min read
Թուրքիայի Անթալիա քաղաքի իշխանությունները կապարակնքել են 50 հյուրանոց՝ Կարտալկայա լեռնադահուկային հանգստավայրում տեղի ունեցած ողբերգությունից հետո ամբողջ երկրում անցկացված ստուգումների շրջանակում։ Այս մասին հայտնում է NTV հեռուստաալիքը։
Օտարերկրյա զբոսաշրջիկների շրջանում հայտնի Կալեիչի թաղամասի հյուրանոցները փակ են խախտումների, այդ թվում՝ շահագործման լիցենզիաների բացակայության պատճառով:
Մինչդեռ Ստամբուլի նահանգապետ Դավութ Գյուլը խոստացել է մինչև շաբաթվա վերջ փակել քաղաքի բոլոր հյուրանոցները, որոնք գործում են առանց լիցենզիայի։«Մենք կփակենք բոլոր հյուրանոցները, որոնք չունեն գործելու լիցենզիա զբոսաշրջության նախարարության կողմից»,- նահանգապետի խոսքերն է մեջբերում Anadolu գործակալությունը։Հիշեցնենք, որ Թուրքիայի Բոլու Կարտալկայա լեռնադահուկային հանգստավայրում գտնվող Grand Kartal հյուրանոցում բռնկված հրդեհի զոհ է դարձել 79 մարդ։ Շենքում ընդհանուր առմամբ եղել է 238 հյուր։ Հրդեհը տեղի է ունեցել հունվարի 21-ի գիշերը։
