Ռուսաստանի Կուրսկի շրջանի նահանգապետը հայտնել է նավթի պահեստի վրա ուկրաինական անօդաչու թռչող սարքերի հարձակման մասին

Այս գիշեր ուկրաինական անօդաչու թռչող սարքերը հարձակվել են Կուրսկի շրջանում նավթի պահեստի վրա։ Այս մասին Telegram-ի իր ալիքում գրել է Ռուսաստանի Դաշնության Կուրսկի մարզի նահանգապետ Ալեքսեյ Սմիրնովը։

Ալիքի ներկայացմամբ՝ հարձակման ժամանակ այրվել է վառելիքի 3 տանկ։

Արդյունաբերական օբյեկտի բնակիչներից կամ աշխատողներից ոչ ոք չի տուժել։

«Հրդեհի դեմ պայքարում ներգրավված են հրշեջ ջոկատները՝ բաղկացած 82 փրկարարներից և 32 միավոր հատուկ տեխնիկայից։ Մեկ տանկի հրդեհն այժմ մարվել է։ Մարումը շարունակվում է»,- նշել է Սմիրնովը։