Եկեղեցին պետք է ավելացնի ջանքերն իր հոգևոր-ազգային գործունեության ուղղությամբ՝ ոչ մի պարագայում չմտնելով Փաշինյանի որոգայթների մեջ. «ՀայաՔվե»
- Lilit
- Jun 19
- 1 min read
Մեր Եկեղեցին պետք է ավելացնի ջանքերն իր հոգևոր-ազգային գործունեության ուղղությամբ՝ ոչ մի պարագայում չմտնելով Փաշինյանի որոգայթների մեջ. ասում են «ՀայաՔվե» նախաձեռնությունից։
«Օրեր առաջ հազարավոր քաղաքացիներ օդանավակայան էին գնացել` ի պաշտպանություն Հայաստանյայց առաքելական սուրբ եկեղեցու և Վեհափառ Հայրապետի, բայց նաև` հաջակցություն Հայաստանի պետականության, Սահմանադրության և ժողովրդավարության։
Վեհափառին աջակցելու նախաձեռնությունը հենց այս արժեքների գիտակցմամբ է` Եկեղեցի ու Վեհափառ, Հայաստանի պետականություն և Սահմանադրություն։
Նիկոլ Փաշինյանի ոտնձգությունները սահմանադրական կարգի, պետականության հիմքերի խախտումներ են, բայց նաև` կրոնական ազատության դեմ ուղղված լուրջ ոտնձգություն և բռնապետության ամրապնդման փորձ։
Պաշտպանելով Հայոց եկեղեցին` պաշտպանում ենք Հայոց պետականությունը, Սահմանադրությունը և կրոնական ազատությունների սկզբունքը»,-նշված է հայտարարության մեջ:
