Պատերազմ բերած քաղաքական ուժը չի կարող խաղաղություն բերել. Լիլիթ Գալստյան
- Lilit
- Nov 7
- 1 min read
«Շարունակում ենք գնալ կորուստների ճանապարհով: Այն, ինչ կատարվում է Հայաստանում` հայոց պետականության կազմաքանդում է»,- «Գալիք ընտրությունների երկարաժամկետ հետևանքները» թեմայով պանելային քննարկման ժամանակ ասաց ԱԺ «Հայաստան» խմբակցության պատգամավոր Լիլիթ Գալստյանը:
Նա համոզված է՝ եթե շարունակենք այսպես ապրել, պետականություն կկորցնենք.
«Միգուցե որպես անհատներ ապրենք, բայց պատրա՞ստ ենք ապրել մի տարածքում, որը պետականություն չունենա: Մեր ընտրությունը հայ մնալ-չմնալու, ազգային պետություն ունենալ- չունենալու, ինքնություն ունենալ-չունենալու միջև է: Որովհետև պատերազմ բերած քաղաքական ուժը չի կարող խաղաղություն բերել: Ցեղասպանությունը մերժող քաղաքական ուժը, մեր արժանապատվությունը ոտնատակ անող քաղաքական ուժը չի կարող արժանապատիվ բանակցող լինել»:
Լիլիթ Գալստյանը պատահական չի համարում, որ հենց այս փուլում է Հայ Առաքելական եկեղեցին թիրախավորվում.
«Թիրախավորելով եկեղեցուն՝ Փաշինյանը «կերտում է» «4-րդ հանրապետություն», որն իր պարտությունների, վախերի, սնանկ արժեհամակարգի պրոյեկցիան է»:
