Իրանում ձերբակալել են Մոսադի երկու գործակալի
- Jun 15, 2025
- 1 min read
Իրանի կենտրոնական մասում՝ Թեհրանի մերձակայքում գտնվող Ալբորզ նահանգում ոստիկանության աշխատակիցները ձերբակալել են իսրայելական «Մոսադ» հետախուզական ծառայության երկու գործակալի։
Այս մասին հայտնում է ISNA գործակալությունը։
«Ալբորզ նահանգի ոստիկանության հետախուզական ստորաբաժանման կողմից իրականացված գործողության արդյունքում ձերբակալվել են Մոսադի հետ կապ ունեցող ահաբեկչական խմբավորման երկու անդամներ, որոնք զբաղվում էին Սավոջբոլաղ քաղաքում պայթուցիկների, ռումբերի, պայթուցիկ թակարդների և էլեկտրոնային սարքավորումների պատրաստմամբ»,- ասվում է հաղորդագրության մեջ։
Նշենք, որ «Մոսադ»-ը իսրայելական հետախուզական ծառայություն է, որը, բացի գաղտնի տեղեկություններ ստանալուց, զբաղվում է հրեական պետության թշնամիների ֆիզիկական ոչնչացմամբ։
