top of page

Տգիտությունը, չարափառությունը, ամբարտավանությունը, կեղծիքն ու ատելությունը շատ մոտ ապագայում անցած-գնացած փուլ կդառնան մեր կյանքում. Աննա Հակոբյան

  • Writer: Lilit
    Lilit
  • Jun 9
  • 1 min read

ree

Վարչապետ Նիկոլ Փաշինյանի կինը տպավորված է Սյունիք այցից, նա հավաստիացնում է, թե իրեն ու ամուսնուն շատ ջերմ են ընդունել այնտեղ։

«Կրթվելը նորաձեւ է շարժումը շաբաթ եւ կիրակի օրերին Գորիս եւ Սիսիան քաղաքներում էր։

Ասել, որ Հայաստանի Հանրապետության վարչապետին եւ ինձ մեր հայրենակիցները մեծ սեր, անսահման ջերմություն, վճռական աջակցություն, ոգեւորիչ քաջալերանք են տալիս, նշանակում է ոչինչ չասել։ Ուզում եմ կրկին խորին շնորհակալությունս հայտնել ձեզ, սիրելի, հարազատ մարդիկ։ Ձեր վերաբերմունքը անգին է։

Ես կարող եմ արդեն նաեւ ուրախությամբ արձանագրել, որ Շարժման գաղափարը, այն է՝ կրթվելը մեր միջավայրում վարակիչ եւ չընդհատվող սովորույթ դարձնելը, մեծ ընբռնում եւ նույնքան մեծ աջակցություն ունի։

Սա նշանակում է, որ տգիտությունը, չարափառությունը, ամբարտավանությունը, կեղծիքը, ատելությունը շատ մոտ ապագայում անցած-գնացած փուլ կդառնան մեր կյանքում»,- Facebook-ում գրել է Աննա Հակոբյանը։

bottom of page