Ջենիֆեր Լոպեսի համար Օսկար են կանխատեսում՝ «Սարդ կնոջ համբույրը» ֆիլմի առաջին թրեյլերից հետո

Ջենիֆեր Լոպեսի երկրպագուներին այս շաբաթ հաճելի անակնկալ էր սպասվում, երբ հինգշաբթի թողարկվեց «Սարդ կնոջ համբույրը» ֆիլմի առաջին թրեյլերը, և հեռուստադիտողները հիացած էին։ 55-ամյա աստղը ոգևորված մեկնաբանությունների ալիք է բարձրացրել՝ սկսած իր «էվոլյուցիայի» գովեստից մինչև համարձակ կանխատեսումներ, որ «Օսկարը շատ մոտ է»։

Ֆիլմը 1993 թվականի համանուն մյուզիքլի նոր էկրանավորումն է, որը հիմնված է Մանուել Պուիգի 1976 թվականի վեպի վրա: Նախագծում նկարահանվել են նաև Տոնատիուն և Դիեգո Լունան: Սցենարը գրել է հանգուցյալ Թերենս ՄաքՆալլին, իսկ երաժշտությունը կրկին գրել են լեգենդար կոմպոզիտորներ Ջոն Քանդերը և Ֆրեդ Էբը: Լոպեսը խաղում է Ավրորայի՝ խորհրդավոր, հորինված կինոաստղի դերը, որին իր երեւակայության մեջ ստեղծել է գեյ–վարսավիր Լուս Մոլինան (մարմնավորում է Տոնատիուն), որը կալանավայրում պատիժ է կրում  «անչափահասին գայթակղելու» համար։ Ավրորայի մասնակցությամբ ֆիլմերը նրա փախուստն են բանտային կյանքի դաժան իրականությունից:

Թրեյլերի պրեմիերայից հետո երկրպագուները սոցիալական ցանցերը ողողել են հիացական արձագանքներով. «Սա կարող է լինել այն ֆիլմը, որը Ջենիֆերին կբերի «Օսկար»: Նա հրաշալի տեսք ունի», - գրել է Ինստագրամի օգտատերերից մեկը:

«Ես արդեն լսում եմ «Օսկար»-ի հաղթանակի մասին: Սա ֆենոմենալ տեսք ունի», - բացականչել է մեկ այլ օգտատեր:

«Կարելի՞ է, որ մենք պարզապես բրավո գոչենք @jlo-ի էվոլյուցիայի համար: Նա ամբողջությամբ իրացրել է իր տաղանդը, զարգացրել է իր ապրանքանիշը և անընդհատ վերափոխվում է: Պարզապես… վաու»:

Որոշ օգտատերեր նույնիսկ ընդօրինակել են մրցանակաբաշխության արարողությունը. «Եվ 2026 թվականի Օսկարը երկրորդ պլանի լավագույն դերասանուհու համար ստանում է... Ջենիֆեր Լոպեսը»։ «Սա քո հաղթանակն է @jlo, ես զգում եմ դա!!!!!!!», «Դու արժանի ես այս Օսկարին։ Սա քո պահն է։ Դու քրտնաջան աշխատել ես՝ ժամանակն է քեզ գնահատել»։