Ստոլտենբերգը նշել է Ռուսաստանի հետ քննարկման թեմաները

ՆԱՏՕ-ի գլխավոր քարտուղար Յենս Ստոլտենբերգը ասել է, որ դաշինքը գրավոր պատասխան կպատրաստի այս շաբաթ անվտանգության երաշխիքների վերաբերյալ Ռուսաստանի առաջարկներին և կուղարկի Մոսկվա։

Ստոլտենբերգը նշել է, որ ՆԱՏՕ-ն զիջումների չի գնա Ռուսաստանին իր հիմնարար սկզբունքների, մասնավորապես՝ կազմակերպությունում նոր երկրների ընդունման հարցում։ Նա, սակայն, հայտարարեց, թե անվտանգության ինչ հարցեր է պատրաստ քննարկել դաշինքը Ռուսաստանի հետ։ Դրանք են՝ սպառազինությունների վերահսկումը, ռազմական գործողությունների թափանցիկությունը և մի շարք այլ հարցեր։