Շենգավիթում կրակոցներ են հնչել

Այսօր, ժամը 17։30-ի սահմաններում  օպերատիվ տեղեկություններ են ստացվել, որ Չեխովի 56 շենքի բակում, երթևեկելի գոտում կրակոցներ են հնչել։

Ինչպես դեպքի վայրից հայտնում է ֆոտոլրագրող Գագիկ Շամշյանը,  նշված շենքի դիմաց՝ երթևեկելի գոտում, հայտնաբերել են ատրճանակից արձակված 2 կրակված պարկուճ, իսկ արդեն Արտաշիսյան փողոցում հայտնաբերվել է «Opel» մակնիշի ավտոմեքենա, որի հետևի աջ ապակին կոտրված է եղել, ըստ նախնական տեղեկությունների,  կրակոցի հետևանքով։

Դեպքի ականատեսները պատմել են, որ երկու ավտոմեքենաների վարորդների միջև վիճաբանություն է տեղի ունեցել, որի ժամանակ էլ նրանցից մեկը  ատրճանակից կրակոցներ է արձակել։