Շատերն են ասում՝ բա դուք ասում էիք՝ 7-10 օրում կլինեն փոփոխություններ, այո, ասել եմ, բայց հասկացանք, որ շատ ավելի մեծ խնդիրների առջև ենք. Սրբազան
- Lilit
- Jun 5, 2024
- 1 min read
Նախնական ծրագիր կար վաղը մեկնել նաև Սյունիք, բայց ուրբաթ օրվա հետ կապված կարևոր ծրագիր ունենք. ավտոերթով դեպի Վարդենիս մեկնելուց առաջ լրագրողների հետ զրույցում ասաց Բագրատ Սրբազանը: «Չենք կարողանա հասցնել մեկնել Սյունիք, վերադառնալ, պատրաստվել»,-ասաց նա:
Անդրադառնալով հունիսի 9-ին սպասվող հանրահավաքին՝ Սրբազանն ասաց, որ մուտք են գործել երրորդ փուլ, որը պետք է դառնա փոփոխությունների փուլը:
«Հիմա մուտք ենք գործել երրորդ փուլ, որը պետք է դառնա փոփոխությունների փուլը: Հիմա շատերն են ասում՝ բա դուք ասում էիք 7-10 օրում կլինեն փոփոխություններ: Այո ասել եմ, մեր մտածումները այդպես են եղել, բայց այդ 7-10 օրվա ժամանակի մեջ մենք հասկացանք, որ շատ ավելի մեծ խնդիրների առջև ենք, քան փորձելով միայն հեռացնել: Մենք ոչ մի բան չենք խաբել, չենք էլ խաբելու»,-ասաց Բագրատ Սրբազանը՝ նշելով, որ այս պայքարը միայն փողոց ելնելով և փողոցային շարժումներ անելով չէ:
