Նոր Նորքի թաղապետի նկատմամբ քրեական վարույթ է հարուցվել, մեղադրանք է առաջադրվել նաև Մեսրոպ Մանուկյանին․ ԶԼՄ-ներ
- Lilit
- May 1
- 1 min read
Քիչ առաջ Քննչական կոմիտեից հայտնել էին, որ երեկ Նոր Նորքի թաղապետարանում տեղի ունեցած ծեծկռտուքի դեպքով քրեական հետապնդում է հարուցվել 4 անձի նկատմամբ։
Մամուլում շրջանառվող տեղեկությունների համաձայն՝ 4 անձանցից մեկը Նոր Նորք վարչական շրջանի ղեկավար Տիգրան Տեր-Մարգարյանն է, ով անձամբ բռնություն էր կիրառել իրեն քննադատության ենթարկած ակտիվիստ Արթուր Չախոյանի նկատմամբ։ Նշվում է, որ մեղադրանք է առաջադրվել նաև Երևանի ավագանու «Մայր Հայաստան» խմբակցության անդամ Մեսրոպ Մանուկյանին։
«Հարուցված գործի շջանակներում մեղադրանք է առաջադրվել Երևանի ավագանու «Մայր Հայաստան» խմբակցության անդամ Մեսրոպ Մանուկյանին»,- գրել է «Հրապարակ»-ը։
168.am-ի տեղեկություններով էլ՝ ՔԿ-ի մատնանշած 4 անձանցից մեկը Նոր Նորք վարչական շրջանի ղեկավար Տիգրան Տեր-Մարգարյանն է:
Խափանման միջոց որևէ անձի նկատմամբ ընտրված չէ: