Սոչիի օդանավակայանը վերացրել է սահմանափակումները

Սոչիի օդանավակայանում վերացվել են ինքնաթիռների ժամանման և մեկնման սահմանափակումները։ Այս մասին հայտնել է Ռոսավիացիայի պաշտոնական ներկայացուցիչ Արտեմ Կորենյակոն։

Սահմանափակումները հանվել են Մոսկվայի ժամանակով ժամը 8:00-ին։ Դրանք  կիրառվել էին գիշերը՝ քաղաքացիական ինքնաթիռների թռիչքների անվտանգությունն ապահովելու համար, պարզաբանել է նա։

Ըստ Կորենյակոյի՝ սահմանափակումների ժամանակ երեք ինքնաթիռ ուղղորդվել է Միներալնիե Վոդիի այլընտրանքային օդանավակայան։