Կասկածներ են առաջանում Փաշինյանի՝ խաղաղության օրակարգին աջակցելու մասին հայտարարությունների անկեղծության վերաբերյալ. Զուլֆուղարովը՝ ԵՄ-ՀՀ ռազմավարական օրակարգի մասին
- Lilit
- 2 days ago
- 1 min read
«Մեկ խմբին արհեստականորեն առանձնացնելը, դրան որոշակի առաջնահերթություն տալը և մնացած բոլորին լիովին անտեսելը փորձ է խաղալու Հայաստանի քաղաքական վերնախավի այն խմբերի շահերի հետ, որոնք դեռևս խոսում են վրեժխնդրության և ռևանշիստական տրամադրությունների մասին: Նման ձևակերպումները ներկայացվում են որպես կարիքավորների համար մտահոգություն, բայց իրականում դրանք Հայաստանի և Ադրբեջանի միջև հակամարտությունից հետո կարգավորման օրակարգին ավելացնում են բաղադրիչներ, որոնք ոչ թե մոտեցնում են նրանց, այլ ավելի են հեռացնում միմյանցից», - հայտարարել է Ադրբեջանի նախկին ԱԳ նախարար Թոֆիկ Զուլֆուղարովը:
Նրա խոսքով՝ փաստաթղթի հետ կապված ծագում են երկու հիմնական հարց.
Առաջինը, որքանո՞վ են այս փաստաթղթի հետ աշխատողները Հայաստանի ԱԳՆ-ում գործել պետության ղեկավարի հրահանգներին համապատասխան։ Եվ երկրորդ, ինչո՞ւ են եվրոպական կառույցների որոշակի շրջանակներ, որոնք պետք է լավ պատկերացում ունենային այս հարցերի մասին, հետևել հայ ներկայացուցիչների օրինակին, որոնք փորձում են այս հակամարտության հետ կապված հետևանքները կամ խնդիրները ներկայացնել այս կերպ», - նշել է Զուլֆուղարովը։
«ԵՄ-ՀՀ փաստաթուղթը, փոխանակ երկու պետությունների կամ երկու հասարակությունների միջև մերձեցման նպաստելուn, խոչընդոտներ է ստեղծում և, ըստ էության, ծառայում է առճակատման շարունակմանը», - հավելել է նա։
Նրա խոսքով՝ կասկածներ են առաջանում Հայաստանի վարչապետ Նիկոլ Փաշինյանի՝ խաղաղության օրակարգին աջակցելու ցանկության մասին հայտարարությունների անկեղծության վերաբերյալ։
