Ռուսաստանը, ԱՄՆ-ն և Ուկրաինան նոյեմբերին բանակցություններ կսկսեն Աբու Դաբիում
Ռուսաստանի, ԱՄՆ-ի և Ուկրաինայի պատվիրակությունները նոյեմբերի 10-11-ը բանակցություններ կանցկացնեն Աբու Դաբիում։ Կողմերը կքննարկեն հակամարտության դադարեցման, հետպատերազմյան անվտանգության համաձայնագրերի և դէսկալացիայի հարցերը, ինչպես հայտնել է ԱՄՆ նախագահի հատուկ բանագնաց Սթիվ Ուիթքոֆը, որի խոսքերը մեջբերում է Reuters-ը։
Ըստ Ուիթքոֆի՝ Աբու Դաբիում կայանալիք բանակցությունների ընթացքում քննարկվելու են նաև «հումանիտար միջոցառումներ»։ Գործակալության աղբյուրի փոխանցմամբ՝ ԱՄՆ-ը կներկայացնեն Սթիվ Ուիթքոֆը և ԱՄՆ նախագահի փեսա Τժարեդ Քուշները։ Ինչպես նշված է հրապարակման մեջ, այս շաբաթ ամերիկացի բանակցողները Բրյուսելում աշխատանքային մակարդակով կհանդիպեն Ֆրանսիայի, Գերմանիայի, Մեծ Բրիտանիայի, Եվրոպական միության և ՆԱՏՕ-ի ներկայացուցիչների հետ՝ քննարկելու «Ուկրաինայի անվտանգության երաշխիքները, Եվրոպայում անվտանգության ապագա համակարգը և Ուկրաինայի վերականգնմանն ուղղված տնտեսական աջակցությունը»։
Հիշեցնենք, որ նոյեմբերի 2-ին Ռուսաստանի Անվտանգության խորհրդի քարտուղարը հայտարարել էր, որ Աբու Դաբիում կայանալիք ուկրաինական բանակցություններին եվրոպական երկրների մասնակցությունը պահանջում է բոլոր կողմերի քննարկումը։ Նրա խոսքով՝ արևմտյան երկրները դառնում են ավելի ու ավելի ագրեսիվ՝ ուկրաինական հակամարտությունում Ռուսաստանի հաղթանակին զուգընթաց։ Նա հավելել է, որ «ռուսական տարածքի և նրա ռեսուրսների զավթման փորձեր» ձեռնարկվել են բազմիցս, սակայն ռազմական ճանապարհով դրան հասնել չի հաջողվել։
