«Սադրանքը ստացվել էր. պետք էր հալածյալի դերի մեջ մտնել». Դերենիկ Մալխասյան

«Մայր Հայաստան» կուսակցության անդամ Դերենիկ Մալխասյանի ֆեյսբուքյան գրառումը․ «Պատարագի ընթացքում որոշում է մտնել մարդկանցով լեփ-լեցուն եկեղեցին՝ հաստատ իմանալով, որ իր իսկ ներկայությունը սադրիչ կարող է լինել։ Եկեղեցու դեմ արշավներն ու հոգևորականների հալածանքները հավատավոր ժողովրդի մոտ չէին կարող ռեակցիա չառաջացնել։

Բնականաբար, սադրանքը ստացվում է։ Այդ պահին պետք էր հալածյալի դերի մեջ մտնել, միաժամանակ բարի թագավորի կերպար ընդունել՝ կանխելով ուժայինների բիրտ գործողությունները եկեղեցու ներսում։ Մյուս կողմից նույն պահին պատժելու հրահանգ տալը կարող էր վտանգավոր ու անկանխատեսելի հետևանքներ ունենալ։ Ուստի որոշում է անաղմուկ դուրս գալ։

Բայց եկեղեցու բակից հեռանալուց հետո, բնականաբար, ուժայիններին հրահանգում է պատժիչ գործողություններ իրականացնել եկեղեցում իր ներկայությունը ֆիզիկապես տանել չկարողացող երիտասարդի նկատմամբ։

Ոչ միայն այն պատճառով, որ հիշաչար է, այլ նաև վախի մթնոլորտ սերմանելու համար։ Որ հանկարծ իր փոքրաթիվ համակիրները չմտածեն, թե թագավորը թույլ է ու «դուխով» չէ։ Բայց «թագավորի մերկությունը» այլևս հնարավոր չէ ոչ մի քարոզչական հնարքով պարտակել»: