Թուրքիայի Բուրսա նահանգում խոշոր հրդեհ է բռնկվել

Օգոստոսի 7-ի առավոտյան՝ ժամը 07.30-ի սահմաններում Թուրքիայի Բուրսա նահանգում խոշոր հրդեհ է բռնկվել։ Նշվում է, որ հրդեհը բռնկվել է Օրհանգազի-Յալովա ճանապարհին գտնվող զբոսանավերի արտադրամասի պահեստում, որտեղ քիմիկատներ էին պահվում։

Կարճ ժամանակում կրակը տարածվել է։ Ստացված ահազանգից հետո դեպքի վայր են ժամանել բազմաթիվ հրշեջ փրկարարներ։

Հաղորդվում է, որ այս պահի դրությամբ շարունակվում են հրդեհաշիջման աշխատանքները։